Өскемен қаласында сары аязға байланысты 19 қаңтарда екінші ауысымда оқитын 0–11 сынып оқушылары қашықтықтан білім алуға көшірілді, деп хабарлайды Altainews.kz.

Облыстық білім басқармасының мәліметінше, бұл шешім оқушылардың қауіпсіздігін қамтамасыз ету және аязды күндері олардың денсаулығын сақтау мақсатында қабылданған. Оқу процесі онлайн форматта жүргізіліп, сабақтар бекітілген кестеге сәйкес өтеді. 

Ата-аналар мен оқушыларға ауа райының қолайсыздығына байланысты өзгерістерді ресми хабарламалардан қадағалап отыру ұсынылады. Қажет болған жағдайда қосымша нұсқаулар беріледі.