Алдағы демалыс және мереке күндерінде күн райы тұрақсыз болуы мүмкін
Фото: шартты сурет
Синоптиктер 6-8 мамырда Қазақстанда ауа райы қандай болатыны туралы тың мәліметтерді таратты.
Республиканың басым бөлігінде атмосфералық фронтальды ағымның өтуімен ауа райының тұрақсыз сипаты күтіледі. Найзағай ойнап, жаңбыр жауады, бұршақ соғуы мүмкін. Шығыста және оңтүстік-шығыстың таулы аймақтарында түнде жауын-шашын (жаңбыр, қар), күндіз жаңбыр жауады, деп хабарлайды Altaynews тілшісі.
«Атмосфералық қысымның жоғарылауы Қазақстанның солтүстік және орталық өңірлерінде әсерін сақтап, ауа райының құрғақ және ашық болуын қамтамасыз етеді. Бұл ретте ауа температурасының көтерілу процесі жалғасады. Түнгі уақытта елдің көп бөлігінде 1-7 градус аралығында аяз сақталады. Республика бойынша желдің күшеюі күтілуде, оңтүстік өңірлерде шаңды дауылдар тұрады», делінген хабарламада.
Оқи отырыңыз
