Риддер қаласында полиция көлігі аударылып қалды. Жол апатына мас күйде көлік басқарған жүргізуші себепкер болған, деп хабарлайды Altaynews тілшісі.

Оқиға 22 маусымда болды. «ВАЗ» автокөлігінің 42 жастағы жүргізушісі қарама-қарсы қозғалыс жолағына шығып кетіп, полицияның қызметтік көлігіне соғылған. Тәртіп сақшылары бетпе-бет соқтығысуды болдырмау мақсатында көлікті оңға бұрып жіберіп, аударылады.

ШҚО ПД баспасөз қызметінің хабарлауынша, патрульдік көліктің экипажы аман қалды. Жол апатына себепкер болған «ВАЗ» көлігінің жүргізушісі жеңіл жарақат алған. Оның көлікті мас күйде жүргізгені анықталды.