Семейде 4 мамырдан бері іздестірілген Айым Қамзаеваның денесі өзен жағасынан табылды, деп хабарлайды Altaynews тілшісі.

Оны іздестіруге 500-ден астам полиция қызметкері мен сүңгуірлер жұмылдырылды.

- Бүгін Семейде жүргізілген іздестіру іс-шаралары барысында Бобровка саяжай алабы маңында өзен жағасында қыздың мәйіті табылды. Тергеу және тану әрекеттерінің нәтижесінде, мәйіттің хабар-ошарсыз жоғалып кеткен 2000 жылғы қыз екені анықталды. Қазіргі уақытта сараптама тағайындалды. Тергеу амалдары жалғасады, - деп хабарлады ШҚО Полиция департаментінің баспасөз қызметі.

Қыздың денесінен әзірге көзге көрінетін зорлық-зомбылық белгілері анықталмапты. Қыздың денесін Lider.kz еріктілері тапты.

19 жастағы Айым Қамзаеваны іздестіру жұмысы 4 мамырда басталғанын еске салайық. Ол үйінен шығып кеткен соң жақындарымен байланысқа шықпаған.