Шығыс Қазақстан облысында құтқарушылар көпірден секірмек болған ер азаматты аман алып қалды, деп хабарлайды Алтайньюс тілшісі.

13 сәуір күні қызмет бабымен жүрген өрт сөндірушілер ескі көпірдің шетінде отырған әлдебір адамды байқап қалған. Көпірден секіруге оқталған ол мас болған, құтқарушылардың сұрағаны жөндеп жауап бере алмаған көрінеді. Майор Тоқтамысов пен лейтенат Төленбеков онымен сөйлесе келе, райынан қайтара алған.

Өзіне қол жұмсамақ болған азаматтың Семей қаласының 38 жастағы тұрғыны екені анықталды. Жұмысы  және күн көруге ақшасы жоқ екенін айтып шағымданған көрінеді.

Қала тұрғынына дәрігерлер психологиялық көмек көрсетті. Осыдан кейін құтқарушылар оны полицияның қолына тапсырды. Ары қарай тәртіп сақшылары тиісті шараларды жүзеге асырады.