Семейдің тігін кәсіпорындары күніне 125 мың медициналық маска шығаратын болды, деп хабарлайды Altaynews тілшісі.

Бір апта ішінде тігін кәсіпорындары 1 миллион маска шығаруды көздеп отыр. Бұл маскаларды жуып, бірнеше рет қолдануға болады.

Осылайша, ШҚО тұрғындары медициналық маскамен толық қамтылмақ.

Маскалар, ең алдымен, медицина қызметкерлеріне, зейнеткерлер, балалар, студенттер, мұғалімдер және кәсіпорындардың жұмысшыларына үлестіріледі.

- Ең алдымен, әрине, медицин саласын және қарт адамдарды маскамен қамтамасыз етеміз. Барлық зауыттар мен фабрикалар бұл процесске белсене қатысуда. Маскалардың бағасы да бақылауға алынады,- дейді аймақ басшысы Даниал Ахметов.

Аталмыш маскалар дәріханаларға сатылымға шығарылады. Бағасы 100 теңгеден аспайтын болады.