ШҚО-да жүк көлігі аударылып қалды, деп хабарлайды Altaynews тілшісі.

Соңғы күндері қалың қар мен дауыл Шығыс жұртшылығын біраз әбігерге салды. Соңғы екі-үш күнде жолаушылар діттеген жерлеріне жете алмай жолда қамалып, төрт-түлік қар құрсауында қалып, малшылар болса бірінен соң бірі жоғалып жатты. Ал кеше Өскеменге бағыт алған жүк көлігі Бестерек-Тарғын тас жолында аударылып қалған. Жүргізуші жыдамдықты асырмағанын айтады. Аударылып қалған жүк көлігін ШҚО Полиция департаментінің қызметкерлері қайтадан жолға шығарысты. Абырой болғанда зардап шеккендер жоқ.