Алтай қаласында тағы үш мектеп карантинге жабылды. Өткен аптада екі мектепте карантин жарияланғаны туралы жазған едік, деп хабарлайды Altaynews тілшісі.

Жедел респираторлық вирустық инфекциямен барлығы 582 оқушы сырқаттанып жатыр. Осыған байланысты 28 қаңтардан 3 ақпанға дейінгі аралықта № 9, 11 орта мектептер мен № 1 бастауыш мектеп карантинге жабылды.

Айта кетсек, білім беру мекемелерінде 30 пайыздан астам оқушы сабаққа келмеген жағдайда карантин жарияланады.

Бұған дейін 25-31 қаңтар аралығында қаладағы № 6 және № 8 мектептерде каранатин жарияланып, сабақ тоқтатылған болатын.