Өскемендіктер балалары үшін алаңдайды. Өйткені сол баяғы құдықтардың аузы үңірейіп ашық жатыр, деп хабарлайды Altaynews тілшісі.

Бұл туралы қала тұрғындары әлеуметтік желіде айтқан.

- Ульбинский ауданындағы «Фархат» дүкенінің маңында тереңдігі бес метрлік кәріз құдығы ашық жатыр. Ертең баламыз құлап кетсе, кім жауап береді. Мәселені дереу арада шешулеріңізді сұраймын, - дейді қала тұрғыны.

Ал «Өскемен Водоканал» мекемесі болса,

- Қар тазалау кезінде, құдықтың қақпағы сынып қалған. Әзірше біз құдықтың маңын қоршап қойдық. Қақпағын жақын арада орнатамыз, - дейді «Өскемен Водоканал» қызметкерлері.