Өскеменнің көшелері жазда шаңсорғыш машинамен тазаланатын болды, деп хабарлайды Altaynews тілшісі. Бұл туралы қала әкімі Жақсылық Омар мәлім етті.

Оның айтуынша, шаңсорғыш машина мамыр айында сатып алынады және оған тиісті қаражат бөлініп қойған. Бұл щеткалы тракторлар көтеретін шаң мәселесін шешуге мүмкіндік береді.

Айтпақшы, шаһар басшысы қала көшелерін қардан тазалау үшін 40 арнайы техника жұмылдырылғанын айтады. Алдағы уақытта тағы 10 техника сатып алу жоспарланып отыр.