Семейде «Үмітіңді үзбе» атты қайырымдылық кеші өтті, деп хабарлайды Алтайньюс тілшісі.

Аталмыш шараны М.Төлебаев атындағы музыкалық училищенің студентері ұйымдастырған. Кештің басты қонағы Айзере Қайратқызы болды.  Кішкентай бүлдіршіннің диагнозы – целебральды сал ауруы (ДЦП). Анасы баланың отандық дәрігерлерден квота арқылы ем қабылдап жүргенін айтты. Алдағы уақытта Ресейдегі Челябинск қаласындағы «Сакура» клиникасына барып ем алсақ деген армандары бар. Ем қабылдау кемінде 2 миллион теңге. Айта кетейік, қайырымдылық концертінен түскен қаражат Айзеренің ата-анасына табысталды.