Көкпекті, Жарма, Күршім аудандарында тұрғындардың маялап жинаған шөбі отқа оранып жатыр, деп хабарлайды Алтайньюс тілшісі.

Жарма ауданында 54 тонна шөп өртенген.

– Сөндіруге төтнше жағдай қызметкерлері мен ауыл тұрғындары кірісті. Өрт жуық маңдағы нысандарға жеткен жоқ. Ешкім зардап шекпеді, – делінген облыстық төтенше жағдайлар бассқармасының ақпаратында.

Сондай-ақ Көкпекті ауданындағы Қараөткел ауылында да өрт шықты.

– Жеке меншік үйде 258 тонна маяланған шөп өртенді. Сөндіруге 5 сағат уақыт кетті, – дейді аталмыш басқарманың баспасөз қызметі.

Сондай-ақ мұндай оқиға Күршім ауданында да болған. Барлық жайғдайда өрт қауіпсіздігін дұрыс сақтамау себеп болып отыр.