Семейде жүргізуші әйел тәртіп сақшысының қолын тістеп алды, деп хабарлайды Алтайньюс тілшісі inform.kz сайтына сілтеме беріп.

– Билік өкіліне зорлық істелді. 51 жастағы әйел рұқсат етілмеген жерге көлігін тоқтатқан. Тексеруге келген тәртіп сақшысын көлігімен қаққан. Тәртіп сақшысы көлікті өшіруге ұмтылғанда қолынан тістеп алған, – делінеген облыстық полиция департаментінің ақпаратында.

Іске қатысты сот-медициналық сараптама жасалады. Сондай-ақ Қылмыстық кодекстің 1-тарау 380-бабы бойынша сотқа дейінгі тергеу амалдары жүргізілуде.