Қазақстанда жұмыссыздар саны 441,8 мың адам болды, деп хабарлайды Алтайньюс тілшісі.

Халық санының көптігіне байланысты жұмыссыздықтың ең жоғары деңгейі еліміздің оңтүстік өңірлерінде байқалады. Статистика комитетінің ақпаратына талдау жасаған Еңбек ресурстарын дамыту орталығының сарапшылары осындай тұжырым жасады.

Мамандардың айтуынша, жұмыссыздардың ең көбі 25-тен 35 жасқа дейінгі азаматтар болып шықты – 169,9 мың адам. Олар – барлық жұмыссыз азаматтардың 38,5%-ын құрайды.

Сарапшылардың айтуынша, жұмыссыздықтың негізгі себебі – түлектердің жұмысқа орналасу мүмкіндігінің аздығы.