Өскемендегі Ертіс полиция бөлімінің қызметкерлері ұрлық фактісі бойынша сотқа дейінгі тергеу амалдарын жүргізуде, деп хабарлайды Алтайньюс тілшісі.

ШҚО полиция департаментінің ақпараты бойынша, белгісіз адамдар SPA-салонның пластикалық есігін бұзып кіріп, кассадан 1 490 000 теңге жымқырған. Сондай-ақ 200 мың теңгелік Iphonе-6-ны да ала кеткен көрінеді.

Тәртіп сақшылары күдікті ретінде бұрын сотталған 1992 және 1980 жылғы екі ер азаматты ұстапты. Күдіктілер жасаған қылмысын мойындап түсініктеме берді.