Кешеден бері ШҚО-да ауа райы күрт бұзылды. Бүгін түнгі уақытта аймақтағы тас жолдар қар жамылды, деп хабарлайды Алтайньюс тілшісі.

Әсіресе Алтай-Өскемен тас жолында көктайғақ салдарынан көлік қозғалысы қиындады. Кей жерлерде тұман түсті.

Сондай-ақ, Аягөз ауданында таңнан бері қарлы боран соғып тұр екен.

Ауа райындағы мұндай өзгеріс жайлы синоптиктер күні бұрын ескерткен болатын.

Алдағы күндері аймақтың кей аудандарында бұршақ жауады, жел күшейеді деген болжам бар.