Шығыс Қазақстан облысында хабар-ошарсыз кеткен 15 жастағы жеткіншек өлі табылды.

Оқиғаның мән-жайы айтылмады, деп хабарлайды Altaynews тілшісі.

LIDER.KZ еріктілерінің Instagram желісіндегі парақшасында көрсетілген ақпаратқа сүйенсек, 2008 жылы туған Нығматуллин Рамиль Валентинович 2 маусымда жоғалып кеткен. Убинка ауылындағы (Шемонаиха ауданы) үйінен шығып, Уба өзеніне қарай бет алған. Осыдан кейін оның қайда кеткені туралы ақпарат болмаған. 10 маусымда жеткіншектің қайтыс болғаны белгілі болды.