Облыс әкімі Даниал Ахметов денсаулық сақтау мәселелері жөніндегі кеңес барысында дәрігерлерге арналған жатақхана салу туралы тапсырма берді, деп хабарлайды Алтайньюс тілшісі.

Қазіргі уақытта өңірдегі басты проблемалардың бірі – маман жетіспеушілігі болып отыр. Мәселен, тек облыс орталығында 100-ден астам дәрігер жетіспейді.

Тағы осындай мәселе Риддер, Алтай қалалары мен Глубокое ауданында да байқалады. Сондықтан медициналық оқу орындарының 91 түлегі облыс ауруханаларына таратылуда.

-        Өскеменде медицина қызметкерлеріне арналған 120 орындық жатақхананың құрылысын бастау керек. Бұл жұмысты қалалар мен аудандарда да қолға алған жөн. Дәрігерлер үшін екі қабатты үйлер салу жоспарын әзірлеу - бірінші кезектегі міндет, - деді аймақ басшысы.

Айта кету керек, денсаулық сақтау басқармасының мәліметіне сүйенсек, 30-ға жуық маман биыл Өскемендегі ауруханаларға жұмысқа орналсатын көрінеді.