Тарбағатай ауданындағы Жаңаауыл және Жаңаталап ауылдарының тұрғындары 22 қарашада сандық теледидар жүйесіне қосылады, деп хабарлайды Altaynews.kz тілшісі.

«Қазтелерадио» АҚ-ның облыстық филиалы ұсынған деректерге сүйенсек, цифрлық телехабар тарату Жаңаауыл және Жаңаталап станцияларының базасында тестілік режимде жүзеге асады. Сондай-ақ арналарды Сарыөлең ауылының тұрғындары да көре алады.

Сандық теледидардың аналогтық сигналдан басты айырмашылығы – кедергіге төзімділігі. Сандық жүйенің сигналы тіпті ең шалғай елді мекендерге қаз-қалпында жетеді.

Цифрлық теледидарға қосылудың тәсілдері туралы толық ақпаратты Call-орталықтан алуға болады: 8(727)258-15-00, 8707-258-15-00. Сондай-ақ тікелей «Қазтелерадио» АҚ ШҚО филиалына қоңырау шалуға болады: 8(7232)-77-77-39, 8(777)-064-1476.