ШҚО-да жолдарды тазалауға жаңа техникалар алынды
Облыс орталығының жолдарын енді «Тұлпар» жаңа техникалары тазалайды, деп хабарлайды Altaynews.kz тілшісі.
- Облыс әкімінің тапсырмасы бойынша біз «Таза Өскемен» КМК техникасын кезең-кезеңімен жаңартып отырмыз. Бүгінде тағы бес жаңа «Тұлпар» аралас жол машинасы алынды. Бұл техниканы жыл бойы қолдануға болады",-деді Өскемен қаласының әкімі Жақсылық Омар.
«Таза Өскемен» КМК қызметкерлерінің ақпараты бойынша, сатып алынған техникалар Алматы қаласында жиналған аралас жол тазалау машинасы.
- Бұл асфальтқа дейін қар мен мұзды сапалы тазартуға мүмкіндік беретін өте жылдам техника. Тағы бір ерекшелігі – арнайы құм сепкіші бар. Оған көктайғақты жоятын тұзды су ерітіндісі құйылады,-дейді «Таза Өскемен» КМК директоры Асхат Тәженов.
Айжанат Бақытқызы
Оқи отырыңыз
