Синоптиктер бүгін, 12 тамызда Қазақстанның 18 өңірінде қолайсыз ауа райына байланысты ескерту жасады, деп хабарлайды Altainews.kz тілшісі. 

«Қазгидромет» ақпараты бойынша, Шығыс Қазақстан облысының шығысында, оңтүстігінде найзағай ойнайды. 

Түнде және таңертең облыстың солтүстігінде, шығысында тұман түседі. 

Жел оңтүстік-шығыстан соғады, күндіз облыстың шығысында, оңтүстігінде екпіні 15-20 м/с болады. 

Облыстың орталығында жоғары өрт қаупі сақталады, облыстың оңтүстігінде төтенше өрт қаупі бар.