Шығыс Қазақстан облысында мүмкіндігі шектеулі үш балаға қымбат сандық есту аппараттары сатып алынды.

Үстіміздегі жылы семейлік құлағы нашар еститін балалардың ата-аналарынан облыс әкіміне сандық есту құралын алып беруге өтініш түскен болатын. Даниал  Ахметовтың тапсырмасы бойынша мүмкіндігі шектеулі үш балаға қымбат сандық есту аппараттары (1600,0 мың теңге) сатып алынды. Қызы осындай құралға қол жеткізген ата-аналардың бірі баласының білім алу мен шығармашылықта дамуы үшін көбірек мүмкіндік туғанына қуанышын айтып, облыс басшысына алғысын білдірді.