Қазақстан Республикасы Үкіметінің ақпаратына сәйкес қазіргі уақытта ПИК нысанындағы көппәтерлі тұрғын үйлерді басқарудың қолданыстағы нысандарының әрекет ету мерзімін 2023 жылғы 1 шілдеге дейін ұзарту туралы заң жобасы әзірленуде. 

Бұл туралы Шығыс қазақстан облысы өңірлік коммуникациялар қызметінің брифингінде ШҚО энергетика және тұрғын үй-коммуналдық шаруашылық басқармасы басшысының орынбасары Нұрлан Рамазанов мәлімдеді.

Нұрлан Рамазановтың айтуынша, бұл өзгерістер ресми жарияланғаннан кейін ғана заңды күшіне енеді. 

«Тұрғын үй заңнамасына ПИК-тің әрекет ету мерзімін ұзартуға қатысты түзетулер, көп пәтерлі тұрғын үйлерді басқарудың жаңа нысандарына көшу жөніндегі жұмыстар заңды күшіне енген жағдайда да тоқтата тұруға болмайтынын атап өту қажет»  деп толықтырды энергетика және ТКШ басқармасы басшысының орынбасары.

Басқарудың құрылған жаңа нысандары "бір үй – мүлік иелерінің бір бірлестігі немесе жай серіктестік – бір шот"қағидаты бойынша жұмыс істейтін болады. Әрбір Оси және ЖС өзінің ағымдағы және жинақ шотын ашады. Осылайша, бұл принцип әр үйді басқарудың жеке тәсілін қарастырады. Брифинг барысында жиналыс барлық меншік иелерінің кемінде 50% кворуммен қамтамасыз етілуі керек және шешім қатысушылардың көпшілігінің келісімімен қабылданады. Кворум болмаған жағдайда жазбаша сауалнама жүргізілуі мүмкін, және шешімдер қатысушылардың көпшілігінің келісімімен қабылданады. 

Айта кетерлік жайт, тұрғын үйді басқару нысанының болмауы ортақ мүлікті дұрыс күтуге, инженерлік инфрақұрылымды жылыту маусымына дайындамауға, жалпы алғанда, қауіпсіз және жайлы өмір сүру жағдайларын жасауға бағытталған шараларды бұзуға әкелуі мүмкін.Осыған байланысты Рамазанов мырза тұрғындардың жалпы жиналысында кондоминиум объектісін басқару нысандарының бірін таңдау туралы шешім қабылдауды ұсынды. «Көппәтерлі тұрғын үйлерді басқарудың жаңа нысандарына (МИБ/ПТ) көшу бойынша негізгі материалдарды «ҚазЦентрТҮКШ» АҚ ресми сайтында (https://zhkh.kz/) қарауға болады, сондай-ақ, барлық сұрақтар бойынша облыстың қалалары мен аудандары әкімдіктерінің тұрғын үй қатынастары, тұрғын үй инспекциясы және тұрғын үй-коммуналдық шаруашылық басқармаларына хабарласуға болады» деп атап өтті спикер. Баспасөз конференциясының соңында Нұрлан Рамазанов қалалар мен аудандардың әкімдіктерінің, ТКШ бөлімдерінің қызметкерлері тұрақты негізде үйді басқарудың жаңа нысанын тіркеуге дейін консультациялық көмек көрсететінін, сұрақтар туындаған жағдайда тұрғылықты жері бойынша тұрғын үй қатынастары және тұрғын үй-коммуналдық шаруашылық бөлімдеріне жүгіну ұсынылғанын айтты.