Сенат депутаттары көпқабатты пәтер иелерінің меншік иелерінің бірлестігіне (МИБ) көшуді келесі жылға қалдыруды ұсынды,

Бүгін сенаторлар «Қазақстан Республикасына кейбір заңнамалық актілеріне электр энергетикасы, энергия үнемдеу және энергия тиімділігін арттыру, жер қойнауын пайдалану, жергілікті мемлекеттік басқару және мемлекеттік шекара мәселелері бойынша өзгерістер мен толықтырулар енгізу туралы» заң жобасын Мәжіліске кері қайтарды. 

«Заң жобасын талқылау барысында Сенат депутаттары бірқатар өзгерістер мен толықтырулар енгізді. Оның ішінде жылжымайтын мүлікті рәсімдеу мәселелерін қарау жөніндегі комиссияның қызметі мен құзыреті бойынша нормаларды нақтылау («Алматы қаласының ерекше мәртебесі туралы» ҚР Заңына түзетулер), көппәтерлі тұрғын үйлердің кондоминиум объектісін басқарудың жаңа нысандарына көшу мерзімдерін 2023 жылғы 1 шілдеге дейін ұзарту бар («ҚР кейбір заңнамалық актілеріне тұрғын үй-коммуналдық шаруашылық мәселелері бойынша өзгерістер мен толықтырулар енгізу туралы» ҚР Заңына түзетулер)», - деді Сенат депутаты Ерік Сұлтанов.

Депутаттардың дауыс беру нәтижесінде заң жобасына Сенат енгізген 6 түзету Мәжіліске қайта жіберілді.

Өтпелі кезеңді ұзарту және «Кейбір заңнамалық актілерге тұрғын үй-коммуналдық шаруашылық мәселелері бойынша өзгерістер мен толықтырулар енгізу туралы» Қазақстан Республикасы Заңының пәтер иелері кооперативтеріне және көппәтерлі тұрғын үй меншік иелерінің бірлестіктеріне қатысты нормаларын қолданысқа енгізу мақсатында жасалды. Карантиндік шаралар кезеңінде пәтерлер мен тұрғын емес үй-жайлар иелерінің жиналыстарын өткізу проблемаға айналды. Соның салдарынан бүгінде көппәтерлі тұрғын үйлердің барлығы басқарудың жаңа түріне көшкен жоқ. Осыған орай, кондоминиум объектісін басқарудың жаңа нысандарына (мүлік иелерінің бірлестігі, жай серіктестік) сапалы көшу мақсатында өтпелі кезеңді 2023 жылдың 1 шілдесіне дейін ұзарту ұсынылды, делінген кестеде.

Талқылау нәтижесінде сенаторлар өз ұсыныстарымен құжатты Мәжіліске қайтарды.