Ұстаздар күніне орай Шығыс Қазақстан облысында «Жаңа дәуір мұғалімі: интеллект, еңбек, адалдық» атты салтанатты жиын өтті, деп хабарлайды Altainews.kz тілшісі.

Концерт залының фойесінде мектеп және колледж оқушыларының көркем шығармашылығы, оқу әдебиеттері мен «Жұлдыз» балалар өнер мектебі тәрбиеленушілерінің картиналарынан құралған көрме ұйымдастырылды. Сондай-ақ аймақтық және республикалық деңгейде жүзеге асырылып жатқан білім беру саласындағы жобалар таныстырылды.

Концерттік бағдарламада ерекше назар аудартқан жайт – жүргізушімен бірге сахнаға жасанды интеллект негізіндегі «ЕЛИ» (Электронды Интеллект) атты аватар-көмекшінің шығуы болды. Экраннан проекцияланған бейне дауысы номинацияларды жариялап, статистиканы таныстырды. Бұл тәсіл мемлекет басшысы Қасым-Жомарт Тоқаевтың «Цифрландыру мен жасанды интеллект – қазіргі заманның шындығы, сондықтан балаларға мектеп қабырғасынан бастап цифрлық сауаттылықты үйрету қажет» деген тапсырмасымен үндеседі. Шығыс Қазақстан да цифрлық технологияларды қолдана отырып, мұғалімнің қоғамдағы орнын айқын көрсетті.

Педагогикалық шеберлікті дамыту – білім беру жүйесінің басты бір міндеті. Талантты ұстаздарды қолдау мен мойындау жыл сайын өтетін кәсіби байқаулар арқылы жүзеге асады. Биыл «Үздік педагог» байқауының облыстық кезеңіне 26 мұғалім қатысып, оның 10-ы республика деңгейінде өңір намысын қорғауға мүмкіндік алды. Педагогтардың еңбегі тек байқауларда ғана емес, аймақтық марапаттар арқылы да атап өтіледі. Жыл сайын үздік мұғалімдер төсбелгілермен, құрметті атақтармен марапатталады. Бұл – олардың еңбегін мойындаудың белгісі. Осы оқу жылында облыстың үздік білім беру ұйымдарын қолдау орталығына «Орта білім берудің үздік ұйымы» байқауы жеңімпаздарын марапаттауға 68 миллион теңге бағытталды. Бұл қаражат мектептердің материалдық-техникалық базасын нығайтуға және оқушылардың білім алуы мен дамуы үшін қолайлы жағдай жасауға мүмкіндік берді.

Салтанатты шара барысында 2024-2025 оқу жылының рейтингі қорытындысы бойынша үздік білім бөлімдері мен колледждер, сондай-ақ өңірдің білім беру жүйесін дамытуға ерекше үлес қосқан педагогтар марапатталды. Еңбек ардагерлеріне, үздік ұстаздар мен білім бөлімдерінің басшыларына ҚР Оқу-ағарту министрлігінің ведомстволық медальдары, Шығыс Қазақстан облысы әкімі атынан құрмет грамоталары мен алғыс хаттары табысталды.

«Еңбек ардагері» медалімен марапатталғандар:
Гүлмира Ілиясова (ШҚО білім басқармасы),
Роза Арнханова (Өскемен қалалық психологиялық-медициналық-педагогикалық кеңес),
Берекбай Жұмабаев (Глубокое ауданы «Тарханка орта мектебі-балабақшасы» кешені),
Шаурахмет Мәденов (Күршім ауданы),
Галина Кыкманова (облыстық математика, физика, информатикаға бейімделген мектеп-лицей),
Салтанат Балтабаева (Риддер қаласының №14 орта мектебі),
Батемкан Тоқушева (Самар ауданы),
Күлшарат Бралинова (Үлкен Нарын ауданы балалар музыка мектебі),
Татьяна Блинова (Риддер қаласы, Поперечное ауылының негізгі мектебі),
Гүлнар Дуканова (Зайсан ауданы М. Дәуленов атындағы мектеп-интернат),
Раиса Қанарбаева (Күршім ауданы Қойтас негізгі орта мектебі),
Корумбала Наурызбаева (Ұлан ауданы Ізғұтты Айтықов атындағы орта мектеп-балабақша кешені),
Урумжан Ыдрысханова (Өскемен қаласы А. Байтұрсынов атындағы №20 мектеп).

«Білім беру ісінің құрметті қызметкері» төсбелгісінің иегерлері:
Алмаш Танышева (Өскемен қ., №46 мектеп),
Жанар Кабдырғалиева (Өскемен қ., арнайы мектеп),
Қарлығаш Сағиева (Жамбыл атындағы мектеп-гимназия-интернат),
Анар Жетібаева (негізгі мектеп-интернат, директор),
Марина Давыдова (психологиялық-медициналық-педагогикалық кеңес),
Кенжегүл Қайынденова (Өскемен жоғары политехникалық колледжі),
Гүлнар Сабиева (Риддер қ., №1 мектеп-лицей),
Нұржанат Окатаева (Самар ауданы, Аққала орта мектебі-балабақша кешені),
Болатбек Әмірғазин (Тарбағатай ауданы, Ақмектеп орта мектебі),
Ирина Чистякова (Үлкен Нарын орта мектебі),
Лаура Мұқышева (Шемонаиха ауданы, А. Байтұрсынұлы атындағы №5 мектеп-балабақша кешені),
Майра Ақатаева (Глубокое ауданы, Уварово орта мектебі),
Айнаш Қалелова (Күршім ауданы, Үшбұлақ негізгі мектебі).

«Ыбырай Алтынсарин» төсбелгісінің иегерлері:
Мөлдір Досмұханбет (Зайсан ауданы, М. Ломоносов атындағы мектеп),
Альмира Елеуова (Зайсан ауданы, М. Ломоносов атындағы мектеп, бастауыш сынып мұғалімі),
Гүлмира Қоқанова (Зайсан ауданы, Х. Мұстафина атындағы мектеп-лицей),
Светлана Подхомутникова (Өскемен қ., №10 мектеп-гимназия).
Шығыс Қазақстан облысының әкімі атынан Құрмет грамотасымен марапатталғандар:
Динара Нұрқасымова (Ново-Хайрузовка орта мектебі, Үлкен Нарын ауданы);
Татьяна Филимонова (№61 арнайы балабақша, дефектолог);
Нұрланбек Жанбосынов (№48 қосымша білім беру орталығы-мектебі);
Жаныл Назарбаева (№44 мектеп-лицей, директор);
Айтжамал Тоқсамбаева (№7 «Радуга» балабақшасы);
Айнұр Қамзаева (Жанаталап орта мектебі, Тарбағатай ауданы);
Марина Степанова (Оқушылар үйі, Риддер қаласы);
Сәуле Қасенова (Опытное поле ауылындағы балалар музыка мектебі);
Елена Штрошерер (№1 Островский атындағы орта мектеп-гимназия, Шемонаиха ауданы);
Оксюз Рахман (арнаулы «Білім-инновация» лицейі);
Лаура Кемешева (облыстық дарынды балаларға арналған мамандандырылған мектеп-лицей-интернаты);
Любовь Щур (Өскемен құрылыс-техникалық колледжі);
Жанар Шегирова (Риддер колледжі, директордың орынбасары).
Облыс әкімінің Алғыс хатымен марапатталғандар:
Рустам Айтқазинов (Таврия орта мектебі, Ұлан ауданы);
Айнұр Бүркітбаева (Маралды орта мектебі, Күршім ауданы);
Жанар Рапикова (психологиялық-педагогикалық түзету кабинеті, Ұлан ауданы);
Мейіргүл Әбенова (арнаулы мектеп, Өскемен қаласы);
Зейнегүл Тайбуганова (Шығыс техникалық-гуманитарлық колледжі);
Ольга Литвинова (Құмаш Нұрғалиев атындағы жоғары колледж);
Дәурен Мергенчинов (Ж. Болғанбаев атындағы Самар орта мектеп-лицейі);
Арман Болатов (Құмаш Нұрғалиев атындағы гимназия, Марқакөл ауданы);
Жанерке Құрметжанова (Аршаты орта мектебі, Катонқарағай ауданы);
Қанат Исабаев (Алтай қаласындағы №11 орта мектеп);
Мәди Мейірбаев (Сарытерек орта мектебі, Зайсан ауданы).
Қазақстан Республикасы Оқу-ағарту министрлігінің Құрмет грамотасын иеленгендер:
Роза Отарбаева (№9 орта мектеп, Алтай ауданы);
Бибігүл Иманқұлова (Зайсан ауданы, «Ертөстік» балабақшасы);
Айжан Мұқанова (С. Ластаев атындағы орта мектеп, Катонқарағай ауданы);
Салтанат Амисолтанова (Қайынды негізгі орта мектебі, Катонқарағай ауданы);
Гүлбақыт Амирова (Игілік негізгі орта мектебі, Марқакөл ауданы);
Светлана Звонцова (№36 орта мектеп, Өскемен қаласы);
Гүлмира Бегімбаева (№11 жалпы білім беретін мектеп, Риддер қаласы);
Гүлнара Дүсіпова (Ы. Алтынсарин атындағы бастауыш мектеп, Самар ауданы);
Көгершін Сүлейменова (Ғ. Мүсірепов атындағы орта мектеп, Тарбағатай ауданы);
Гүлнар Жампейісова (К. Қайсенов атындағы орта мектеп, Ұлан ауданы);
Наталья Тимошенко (Астафьев атындағы жалпы білім беретін орта мектеп, Шемонаиха ауданы);
Вера Худякова (Прогресс орта мектебі, Глубокое ауданы).
Қазақстан Республикасы Оқу-ағарту министрлігінің Алғыс хатымен марапатталғандар:
Ирина Полторанина (Затаевич атындағы балалар музыка мектебі, Алтай ауданы);
Гүлмира Исмакова («Балдәурен» балабақшасы, Зайсан ауданы);
Магира Әмренова (облыстық дарынды балаларға арналған мамандандырылған мектеп-лицей-интернаты);
Нұрзиға Садықова (Өскемен қаласындағы ерекше білімді қажет ететін балаларға арналған оңалту орталығы);
Надежда Серова (Горький атындағы негізгі орта мектеп, Риддер қаласы);
Бауыржан Садуов (Т. Тоқтаров атындағы негізгі орта мектеп, Тарбағатай ауданы);
Гүлнафис Чекушева (Қ. Дамитов атындағы орта мектеп, Үлкен Нарын ауданы);
Гүлмира Захарьянова (мектеп-балабақша кешені, Ұлан ауданы);
Галина Стрельникова (Белоусовка кентінің балалар музыка мектебі).

2024-2025 оқу жылының қорытындысы бойынша үздіктер қатарында Үлкен Нарын ауданының білім бөлімі – жалпы орта білім берудегі жоғары көрсеткіштері үшін және Өскемен жоғары политехникалық колледжі – Шығыс Қазақстан облысының ең үздік колледжі ретінде танылды.

«Жаңа дәуір мұғалімі: интеллект, еңбек, адалдық» атты салтанатты шара тек ұстаздар мен білім саласы қызметкерлерінің еңбегін мойындау мерекесі ғана емес, Шығыс Қазақстанның дәстүр мен жаңашылдықты ұштастыру бағытын айқын көрсеткен іс-шара болды. Өңірде алдағы уақытта да білім беру жобалары дамытылып, педагогтердің мәртебесі мен беделін арттыруға ерекше назар аударылмақ.

Дамир Омаров
Фото: Жібек Нұрахмет
Видео: Евгений Щетников