«Шығыс Салбурыны – 2025» V мерейтойлық халықаралық фестивалінің салтанатты ашылуына санаулы күндер қалды. Бүгін шырайлы өлкеге алғашқы қатысушылар да келе бастады. Ресей мен Мажарстаннан келген делегациялар Бозанбай ауылына табан тіреді, деп хабарлайды Altainews.kz тілшісі.

«Шығыс салбурыны - 2025» фестивалі 8–11 қазан аралығында өтеді. Бұл іс-шара биыл ұлттық мәдениет пен этнотуризм саласындағы ең ауқымды оқиғалардың біріне айналмақ. Фестивальге Қазақстанның түкпір-түкпірінен және Моңғолия, Мажарстан, Қырғызстан секілді шет мемлекеттерден қатысушылар келеді делінген Өңірлік коммуникациялар қызметі ақпаратында. 

Бағдарламада — жылқы жарыстары, этно-шоу, қолөнер көрмелері, концерттер және нағыз қазақы қонақжайлық рухы бар.

«Шығыс Салбурыны» — бұл тек фестиваль ғана емес, ұлттың рухани мұрасын жаңғыртып, халықтар бірлігі мен ұрпақтар сабақтастығын нығайтатын дәстүр мерекесі.