ШҚО-ға «Шығыс салбурыны-2024» қатысушылары ағылуда
Бүгін шығысқазақстандықтар Өскемен әуежайынан «Шығыс салбурыны-2024» халықаралық фестивалінің қатысушыларын күтіп алды, деп хабарлайды Altainews.kz тілшісі.
Айтулы додаға қатысушылардың бірі – Александр Малаев. Ол осынау дүбірлі жарысқа қатысу үшін арнайы Мәскеуден келген. Бұл фестивальға биыл алғашқы рет қатыспақ.
– Сұңқар баптаумен айналысқаныма 10 жыл болды. Осы жолғы дүбірлі жарыста қазақ халқының құсбегілік өнерімен етене танысып, өзара тәжірибе алмасамыз. Меніңше, бұл өңірде ұлттық спорт түрлері қарқынды дамып келеді, – деді Александр Малаев.
Фестивальға төрешілік ететін Елтай Жұмағұлұлы да Алматы облысынан келіп қонды. Оның айтуынша, бұл фестивальдің ұлттық құндылығы жоғары.
– Құсбегілік - ата-бабамыздың бізге қалдырған ұлттық өнері. Сондықтан біз мәдени құндылықтарымызды жоғалтпай, кейінгі ұрпаққа ұлықтауымыз керек, – деді Елтай Жұмағұлұлы.
Ажар Мұратқызы
Фото: Махаббат Ахметжанова
Оқи отырыңыз
Бағдат Мүптекеқызы: «Шығыс салбурыны» – туризмнің мықты тетігі (видео)ШҚО: 18 мыңдай адам ұлттық спортпен айналысадыШҚО-да «Шығыс салбурыны» халықаралық бүркітшілер фестивалі өтедіШығыс Қазақстанда халықтық спорт ойындары қайта жанданадыБағдат Мүптекеқызы: ШҚО-да құсбегілік өнер қанатын кеңге жайып келеді
