Өскемен: Жол шұңқырлары неліктен кірпішпен жамалған?
Өскеменде кірпішпен жамалған жол шұңқырлары қала тұрғындарын таңғалдырды.
"Таза Өскемен" КМК директорының айтуынша, шұңқырларды кірпішпен жамау әлемдік тәжірибеден алынған, деп хабарлайды Altaynews тілшісі.
– Мұндай технология бүкіл әлемде қолданылады. Өткен жылы елордадағы шұңқырлар кірпішпен және тақтатаспен жамалған. Ол жол жамылғысын сақтап, жүргізушілер үшін қолайсыздықты барынша азайту үшін жасалады. Кірпіштер жолдарда жөндеу жұмыстары басталғанға дейін ғана тұрады, – дейді "Таза Өскемен" КМК директоры Асхат Таженов.
Облыс орталығында жол жөндеу жұмыстары күн жылынысымен басталады. Өткен аптада күн суытпай тұрып Пермитин, Сафонов және басқа көшелерде шұңқырларды жамау жұмыстары басталып кеткен.
Сондай-ақ биыл қала тұрғындарын "100 күнде 10 мың шұңқыр" челленджіне қатысып, көшедегі шұңқырларды суретке түсіріп, арнайы телеграм-ботқа жібере алады.
Оқи отырыңыз