Өскемен: «Металлург» саябағының аттракциондары жаңартылмақ
Облыс орталығындағы «Металлург» саябағы кез келген жастағы қала тұрғындарының сүйікті демалыс орнына айналған. Көптен бері жөндеу көрмеген саябаққа өткен жылы абаттандырудың бірінші кезеңі жүргізілген болатын.
Кіреберіс аркалар толықтай жаңартылып, тротуар төселді, саябақішілік жолдар жөнделіп, жарықтандыру жұмыстары жүргізілген, деп хабарлайды Altaynews тілшісі.
Ал биыл демалыс орнында абаттандырудың екінші кезеңі басталды. Онда бірінші кезеңде басталған жол жөндеу жұмыстары жалғасып, асфальт, тақтатастар төселеді және орындықтар мен жарықтандыру тіректерін орнату көзделген. Сондай-ақ аттракциондарды да жаңарту жоспарланған.
Айта кету керек, «Металлург» саябағы жыл көлемінде жұмыс істейді.