Өскеменде заңсыз жұмыс істеген 12 шетелдік анықталды
Фото: azattyq-ruhy.kz
Облыс орталығында жұмыс істеуге рұқсаты болмаған 12 шетелдік жауапқа тартылды.
«Заңсыз келуші-2023» жедел-профилактикалық іс-шарасы аясында көші-қон қызметінің қызметкерлері заңсыз жұмыс істеген Өзбекстан азаматтарын анықтады, деп хабарлайды Altaynews тілшісі.
Уәкілетті мемлекеттік органның тиісті рұқсатынсыз жұмыс істеген 12 шетелдік азамат ҚР ӘҚБтК 517-бабы бойынша әкімшілік жауапкершілікке тартылды.
– Ал жұмыс беруші кодекстің екі бабы, яғни шетелдік жұмыс күшін заңсыз тарту және шетелдіктердің келуі туралы хабарламау бойынша жауапқа тартылды. Ол 30 АЕК мөлшерінде айыппұл төлейді, – деді ШҚО ПД ОӘК бастығының міндетін уақытша атқарушы Ринат Шибаев.
Айта кету керек, жыл басынан бері облыс аумағында заңсыз жұмыс істеген 40-тан астам шетелдік азамат анықталды.
Оқи отырыңыз
