Өскеменде қыздардың төбелесі бақылау камерасына түсіп қалды
Фото: Видеодан кадр
Өскемен қаласында ЖБО камераларына жаппай төбелес түсіп қалған. Төбелеске қатысқандардың арасында қыздар да болған көрінеді. Тәртіп сақшылары осы оқиғаға қатысы болуы мүмкін үш күдіктіні анықтап, ұстады.
ІІМ-нің Telegram-арнасында жарияланған бейнежазбада соққы алған жігіт құлап қалғаны таспаланған, деп хабарлайды Altaynews тілшісі.
ҚР ІІМ дерегінше, 9 шілдеде Өскемен қаласының полициясына қала тұрғыны дәмханалардың бірінің маңында бірнеше белгісіз адам оған дене жарақатын салғанын айтып, арызданған.
"Полиция қызметкерлері ЖБО операторларымен 1996, 1992 және 1996 жылы туған үш күдіктіні анықтады, біраз уақыттан кейін ұсталды. Олар өз кінәсін мойындады. Ұсталғандарға қатысты келуге міндеттеу түріндегі процестік мәжбүрлеу шарасы таңдалды", – деп жазылған хабарламада.
Дерекке сүйенсек, ҚР ҚК-нің 293-бабы 2-бөлігі бойынша сотқа дейінгі тергеу басталды. Оның санкциясы 5 жылға дейін бас бостандығынан айыру жазасын көздейді.
Оқи отырыңыз
