Өскеменде жаңа шағын автобустар сатып алынады
Тлеубек Шаяхметтің суреті
Ағымдағы жылы облыс орталығында көлік компаниясының жолаушылар тасымалы үшін жаңа шағын автобустар сатып алу жоспарланып отыр.
Бұл туралы қала әкімі Жақсылық Омар айтты, деп хабарлайды Altaynews.kz тілшісі.
Қазіргі күні алғашқы 10 көлікті сатып алуға конкурстық рәсімдер жарияланған.
- Бұл жобаның бірқатар артықшылықтары бар. Бір жағынан, шағын көлемді көлік автобустардың жұмысына жол желісінің ерекшелігі кедергі келтіретін аудандардағы маршруттардың жүйелілігін қамтамасыз етеді. Екінші жағынан, бұл жолаушылар ағыны әрдайым қарқынды бола бермейтін жерлерде экономикалық тұрғыдан негізделген. Сонымен қатар шағын автобустармен тасымалдауда автобус маршруттарындағы сияқты кадр тапшылығы туындамайды, - дейді қала әкімі.
Сатып алынған шағын автобустар бірінші кезекте келесі маршруттарға бағытталатын болады:
Защита және Стрелка аудандары арасындағы нөмір 228 маршрут
Бажов және Жастар көшелерінің арасындағы нөмір 261 маршрут
Арматурный және Промбаза аудандары арасындағы нөмір 229 маршрут
Өзен вокзалы мен Нұрлы көш кенті арасындағы нөмір 256 маршрут
Оқи отырыңыз
