Қазақстанның үстел теннисінен ерлер құрамасы әлемдегі ең мықты 24 команданың қатарына енді.

Пусандағы (Оңтүстік Корея) Әлем чемпионатында кіші топтардағы ойындар аяқталып, жарысты жалғастыратын 24 команда анықталды, деп хабарлайды Altainews.kz тілшісі.

20 ақпанда Қазақстан ерлер құрамасы АҚШ-ты 3:1 есебімен жеңіп, өз кіші тобында екінші орын алып, әлемдегі ең мықты 24 команданың қатарына енді.

№ 2 топ:

* 1-орын - Германия

* 2-орын - Қазақстан

* 3-орын - Англия

* 4-орын - АҚШ

* 5-орын - Сауд Арабиясы

Қазақстандық құраманың көшбасшысы, халықаралық дәрежедегі спорт шебері Кирилл Герасименко ерекше көзге түсіп, 100 пайыз жеңіс нәтижесін көрсетті: 7 ойын, 7 жеңіс.

21 ақпанда қазақстандықтар Үндістан құрамасына қарсы 1/8 финалға шығу үшін жекпе-жек өткізеді.

Айжанат Бақытқызы