Елімізде әйел тергеушілердің саны көбейеді
Фото: kaznovosti.kz
Бұл туралы ішкі істер министрінің орынбасары Игорь Лепеха Мәжілістің кулуарында айтты, деп хабарлайды Altainews.kz тілшісі Baq.kz сайтына сілтеме жасап.
– Президент бізге отбасындағы зорлық-зомбылық профилактикасымен айналасатын әйел қызметкерлердің санын арттыруды тапсырды. Қазір штат санын ел бойынша 750-ге көбейту мәселесі қарастырылып жатыр. Бұл тәжірибе дұрыс, – деді И. Лепеха.
Оның сөзінше, қазіргі уақытта елімізде зорлық-зомбылық құрбаны болған қыз балалар және әйелдер ісімен айналысатын әйел тергеушілер бар.
– Сұрақ-жауапты әйел жүргізуі керек. Бұл тәжірибені зерделедік. Қазір әкімдермен жұмыс істеп жатырмыз. Олар бізді қолдады. Бұл штат санын қаржыландыру бойынша Үкіметте мәселе қарастырылып жатыр. Қазір сумманы айта алмаймын, – деп түсіндірді ішкі істер вице-министрі.
Қазір елімізде 280 әйел тергеуші бар.
Оқи отырыңыз
