Осы жылы алғаш рет «Болашақ» халықаралық стипендиясына және «500 ғалым» ғылыми тағылымдамасына құжаттарды қабылдау үздіксіз жүргізілетін болады, деп хабарлайды Altainews.kz тілшісі Baq.kz сайтына сілтеме жасап.

Құжаттарды қабылдау 29 сәуірде басталып, 25 қазанда аяқталады. Конкурстық іріктеу 10 мамырдан 30 қарашаға дейін өтеді. «Болашақ» стипендиясына құжаттар egov.kz порталы арқылы қабылданады. «500 ғалым» бойынша өтінімдерді қабылдау және конкурстық іріктеу алғаш рет bolashak.gov.kz порталында «Үміткердің жеке кабинеті» бөлімінде онлайн жүргізіледі.

Осы жылы «Болашақ» бағдарламасы бойынша оқу үшін 555 стипендия бөлінді. Оның ішінде магистратура және резидентура бойынша 395 стипендия, докторантура бағдарламалары бойынша 50 стипендия, тағылымдамадан өту үшін 110 стипендия.

Үміткерлерге қойылатын талаптармен, басым мамандықтар тізбесімен, университеттер мен ғылыми орталықтардың тізімімен bolashak.gov.kz сайтында танысуға болады.