Алтай өңірі мен Кереку аймағында өзара байланысты нығайтуға бағытталған шаралар арагідік іске асып отырады. Сәуірдің 27-28 жұлдызында ШҚО драма театры мен Ж.Аймауытов атындағы Павлодар облыстық қазақ музыка-драма театры өзара алмасқан гастрольдік сапар ұйымдастырды. Сапар аясында ШҚО Жастар театры павлодарлық көрерменге үздік қойылымдарын сахналаған. 
Павлодар театрының ұжымы шығысқа осымен екінші мәрте ат басын бұрып отыр, деп хабарлайды Altaynews тілшісі. 
Павлодарлық әртістер Өскемендегі өнер ордасында «Аладдин» ертегісін, «Ұждан» драмасы мен «Алғашқы махаббат» комедиясын сахналады. 
Ал Жастар театры керекулік көрермендер назарына «Өмір-өзен» музыкалық қойылымы мен «Кішкентай бақаның үлкен оқиғасы» атты қуыршақ ертегісін ұсынды.