«Қазгидромет» РМК 28-30 қыркүйек күндері қалыптасатын күн райының болжамын ұсынды.

Алдағы күндері республиканың басым бөлігінде күн райының құбылмалы сипаты сақталып, жаңбыр, найзағай, екпінді жел күтіледі, деп хабарлайды Altaynews Қазақпарат агенттігіне сілтеме жасап.

Түнде және таңертең республиканың оңтүстік және оңтүстік-шығысындағы таулы аудандарда тұман күтіледі.

Елдің шығысында 28-29 қыркүйекте түнгі уақытта 1-3 градусқа дейін үсік жүреді.

Температуралық фонда елеулі өзгерістер күтілмейді, тек республиканың оңтүстігінде, оңтүстік-шығысында ауа температурасы күндіз 17-23 градусқа дейін, таулы аудандарда 8-13 градусқа дейін біртіндеп төмендейді.