ШҚО Прокуратурасында мемлекеттік айыптаушы қызметкерлердің арасында байқау өтті.Оған қала мен аудандардағы прокуратуралардың қызметкерлері, С.Аманжолов атындағы ШҚУ мен ҚАЕУ-дің заң факультетінің студенттері қатысты.

Прокуратура қызметінің сапасын арттыруға бағытталған мұндай шаралар жыл сайын өтеді, деп хабарлайды Altaynews тілшісі.

Қатысушылар қолданыстағы заңнаманы қаншалықты білетіндерін көрсетті. Сонымен қатар мамандардың сөзге шебер болуы да ескерілді.

Байқау қатысушылары «Үздік дебют», «Үздік процессуалист», «Мемлекеттік тілді жақсы меңгерген үздік маман» номинациялары бойынша сайысты.

Қатысушылар сот процесіндегі өз бейнежазбаларын ұсынған. Студенттер прокурорлардың жұмысы, қадағалау қызметі, сот процесіндегі аса маңызды рөлі туралы ақпарат берілді.

Қазылар алқасы үздік жұмыстарды таңдап, әр номинацияға лайықты жеңімпазды анықтады. Конкурстың нәтижесі прокуратура органдарының кәсіби күніне орай 6 желтоқсанда өтетін салтанатты іс-шарада жарияланады.