ШҚО-да Отбасы күніне орай «Үздік оқырмандар отбасы» атты байқау өтті. Қашықтан өткен байқау «Оқуға құштар мектеп» жобасының аясында ұйымдастырылған.

Шараны «Örken» білім беруді ақпараттандыру және дамыту орталығы ұйымдастырған, деп хабарлайды Altaynews тілшісі.

Аудандық, қалалық кезеңдерге 65 отбасы қатысқан. Іріктелген 18 отбасы облыстық кезеңде шығармашылық жұмысты бейнеролик арқылы көрсеткен. Қатысушылар бейнероликте сүйікті кітаптары туралы баяндап, актерлік шеберлігін, өнерін паш етті.

Қорытынды бойынша Зайсан, Шемонаиха, Алтай, Глубокое, Күршім аудандары мен Өскемен, Риддер қалаларының атынан қатысқан отбасылар үздік атанды.