"Қазгидромет" ШҚ филиалы 3 және 4 желтоқсанда Шығыс Қазақстан аумағы бойынша синоптикалық жағдайдың болжамымен бөлісіп, дауылды ескерту жариялады. 

Синоптиктердің ақпараты бойынша, 3 желтоқсан күндіз Шығыс Қазақстан облысының басым бөлігінде жауын-шашын түсіп, облыстың солтүстігінде, шығысында кей уақыттарда қар күтіледі,  деп хабарлайды Аltaynews тілшісі. 

Ал 4 желтоқсанда тәулік бойы Шығыс Қазақстан облысының басым бөлігінде қар, облыстың солтүстігінде, шығысында кей уақыттарда қатты қар жаууы ықтимал.

- 3 желтоқсанда облыстың батысында, солтүстігінде, шығысында, 4 желтоқсанда облыстың солтүстігінде, шығысында көктайғақ, бұрқасын күтіледі. Оңтүстік-батыстан соғатын жел солтүстік-батысқа ауысады, 3 желтоқсанда түнде облыстың солтүстігінде, күндіз облыстың басым бөлігінде күші 15-20 м/с, 04 желтоқсанда облыстың басым бөлігінде жел соғады, күші 15-20 м/с дейін жетеді. 3-4 желтоқсанда облыстың батысында, солтүстігінде, оңтүстігінде екпіні 23-28 м/с, кей уақыттарда 30 м/с болатын жел тұрады, - деп хабарлайды синоптиктер. 

ШҚО ТЖД тұрғындарға қауіпсіздік шараларын сақтауды сұрайды. Мүмкіндігінше елдімекеннен шықпай, төтенше жағдай кезінде 112 нөмірі бойынша хабарласу қажет.