Руханияттың қара шаңырағына айналған Пушкин атындағы облыстық кітапхана https://anyz.pushkinlibrary.kz интернет порталын іске қосты.

Оқырманға жол тартқан «Аңыз» аты интернет порталдан өлкеміздің тарихы мен мәдениеті, аңыз-әңгімелері, жер-су атауларының шығу тарихы туралы ақпарат оқып, көрікті жерлерге виртуалды саяхат жасауға болады, деп хабарлайды Altainews.kz тілшісі.

Туризм төрге озған заманда кез келген ресурс қолжетімді болуы керек. Сондықтан да портал бейімді дизайнмен компьютерде, планшетте, смартфон арқылы пайдалануға қолайлы етіп жасалған.

Порталдағы барлық материалдар қазақ, орыс және ағылшын тілдерінде ұсынылған.

Сондай-ақ портал арқылы Шығыс Қазақстанның киелі жерлеріне виртуалды саяхат жасап, ежелгі «Ақ-Бауыр» киелі орнын тамашалап, Алтайдың ең биік шыңы – Мұзтауға саяхаттап, «Ырғызбай-ата» кесенесімен танысып, Қиын-Керіштің алаулаған шоқыларына «серуендеуге» болады.