Тасқыннан зардап шеккен өңірлердегі балалар Шығыс Қазақстанда тегін демалады
Фото: arhprof.ru
ШҚО-да тасқыннан зардап шеккен өңірлердің балаларына жазда тегін демалыс ұйымдастырылады, деп хабарлайды Altainews.kz тілшісі.
ШҚО Білім басқармасының мәліметінше, тасқыннан зардап шеккен облыстардағы 60-қа жуық бала осы жазда Шығыс Қазақстандағы демалыс лагерьлеріне тегін жолдама алады.
– Арнайы әзірленген бағдарламаның арқасында балалар бос уақытын қызықты әрі пайдалы өткізіп, жағымды әсер алады, көңіл күйлерін көтереді. Маусым алдында қажет болған жағдайда мұғалімдер мен жолбасшылар оқушыларды психологиялық курстардан өткізеді, – дейді ШҚО білім басқармасының басшысы Иннеса Чернышева.
Оның айтуынша, мүмкіндік болса демалысқа келетін балалардың саны тағы да арттырылады. Балаларға арналған туристік маршруттар жасалып, өлкенің көрікті жерлері көрсетілмек.
Бүгінгі таңда облыс бойынша 15 лагерь жазғы маусымға дайындалып жатыр.
Оқи отырыңыз
ШҚО-да тасқыннан зардап шеккен өңір тұрғындарын қабылдауға дайынӨскеменде имамдар тегін ыстық тамақ тараттыСу тасқынынан зардап шеккен өңірлердегі оқушыларға сауықтыру орталықтарына жолдама беріледіЖазғы лагерьлер туралы. Өскеменнің оқушылары қалай демалады?Тасқыннан зардап шеккен 99 отбасына 10,4 миллион теңгенің көмегі берілді