Шығысқазақстандық құтқарушы СҚО-дағы тасқынмен күрестен оралды
ШҚО ТЖД
Денис Лынов төтенше 21 күн тәулік бойы жұмыс істегендерін айтады.
Ол әріптестерімен бірге адамдарды су басу аймағынан эвакуациялаған, деп хабарлайды Altaynews.kz тілшісі.
ШҚО ТЖД ақпараты бойынша, Денис Лынов төтенше жағдайлар жүйесінде 8 жылдан астам жұмыс істейді. Шығыс Қазақстандағы 2018 жылғы су тасқынының зардаптарын жоюға, адамдарды қар құрсауынан құтқаруға қатысты.
Жақында ол Солтүстік Қазақстан облысынан оралды.
- Біз Амангелді ауданында жұмыс істедік. «Шерп» көлігімен тұрғындарды қауіпті аймақтан шығардық. Тәулік бойы режимде, кейде 1,5 м-ге дейін көтерілген суды қараңғыда еңсере отырып, 30-ға жуық азамат, олардың ішінде балалар мен ауыр науқастарды эвакуацияладық. Сондай-ақ, гуманитарлық жүкті жеткіздік. 21 күн тәулік бойы режимде қызмет атқардық және менің ойымша, біз алдымызға қойылған міндеттерді орындадық, - деді ШҚО ТЖД Жедел-құтқару жасағының бас құтқарушысы Денис Лынов.
Денис Лыновтың әріптестері оның кез келген кедергілер мен қашықтықты еңсере алатын кәсіби құтқарушы жүргізуші ғана емес, сонымен қатар тамаша механик екенін айтады.
Денис Лыновтың үлкен отбасы бар, әйелі екеуі екі ұл тәрбиелеп, бүгінде немере сүйіп отыр.
