Өскеменде семсерлесуден республикалық турнир өтіп жатыр
Өскеменде семсерлесуден және рапирадан Ер Жәнібек Бердәулетұлын еске алуға арналған республикалық турнир өтіп жатыр.
Жарысқа әр өңірден келген 250-ге жуық спортшы қатысуда, деп хабарлайды Altainews.kz тілшісі.
Бұл елдік дода әлдеқашан дәстүрлі спорттық іс-шараға айналған. Бұған дейін халықаралық деңгей де өткізілгенін айта кетуіміз керек.
- Атақты батыр Ер Жәнібекті еске алуға арналған турнирге еліміздің түкпір-түкпірінен жас спортшылар келді. Осы бәсеке арқылы ел құрамасы жасақталады деуге де болады. Дода осымен жиырмасыншы рет ұйымдастырылуда. Жалпы, жарыс он күнге созылады, - деді Қажымұқан атындағы жекпе-жек сарайында аға жаттықтырушы болып қызмет атқаратын Алексей Пеньков.
Республикалық турнирдегі командалық есепте дәл қазір Алматы көш бастап тұр.
- Осы турнирге үздік шәкірттерді алып келдім. Барлығы да дарынды жастар. Жалпы бұл сайысқа жыл сайын қатысамыз. Жүлдеден де құр алақан емеспіз, - дейді алматылық команданың аға бапкері Аян Бексұлтанов.
Дәстүрлі доданың жеңімпаздарына арнайы сертификаттары мен медальдар табысталады.