KZ
Өскемен
+13°
облачно с прояснениями жел 1 м/с, С
450.79 482.21 5.05

Өскеменде спорттық биден облыстың ашық чемпионаты өтті

19.05.2024, 19:50 124 Назерке Каримова

ШҚО денешынықтыру және спорт басқармасының ұйытқы болуымен спорттық биден облыстың  ашық  чемпионаты өтті.

Жарысқа  300-ге жуық жас биші қатысты, деп хабарлайды Аltainews.kz тілшісі.

Аталмыш спорт бәсекесінің мақсаты -  биылғы ең үздік жұпты анықтау. Балалар мен жасөспірімдер фестивалінде Өскемен, Семей, Риддер, Алматы қалаларының би үйірмелерінде тәлім алып жүрген балғын бишілер бақ сынады. Жүлделі орындардан көрінген спортшылар алдағы уақытта өтетін республикалық жарысқа  қатысатынын айта кеткен абзал.

ШҚО бойынша спорттық би түрлерінің президенті Рустам Мұхамедияновтың айтуынша, бұл сайыс республикалық деңгейдегі ірі жарыстарға қатысатын үздіктерді іріктеуге мүмкіндік береді.

- Спорттық биден облыс чемпионаты жыл сайын Өскеменде өтіп тұрады. Қатысушылар жас ерекшеліктері мен би санатына қарай бірнеше бағдарлама бойынша сынға түсті. Жүзден жүйрік шыққандар Бурабайда өтетін ел чемпионатына қатысатын болады , - деді жарыстың ұйымдастырушысы.


Өскеменде өтіп жатқан облыстық чемпионатқа қатысушы Юлия Афониява бимен 9 жылдан бері айналысып келеді. Қол жеткізген жетістіктері де жоқ емес. Спорттық биден ел чемпионы атанған.

- Жарыс өте жоғары деңгейде өтуде. Бірнеше жылдан бері осы сайысқа қатысып келемін. Біздің өңірде спорттық би түрі қарқынды дамуда. Қатысушыларға сәттілік тілеймін, - деді Юлия.


Өскеменде дәстүрлі түрде өткізіліп келе жатқан спорттық би түрлерінен ашық чемпионатқа қатысушылар саны жыл санап арта түсуде. Еліміздің өзге өңірлерінен келушілер қатары көп.

 

Қуаныш Рахметоллаұлы

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив