103 желісіндегі диспетчердің сауатты нұсқауы, бригадалардың кәсібилігі мен үйлесімді әрекеті арқасында ер адамдарды клиникалық өлімнен «алып шығуға» мүмкіндік туды. Екі жағдай да Өскеменде болған, деп хабарлайды Altainews.kz тілшісі ШҚО денсаулық сақтау басқармасының баспасөз қызметіне сілтеме жасап. 

Екі минут ішінде жедел жәрдем көлігі шақырумен облыс орталығындағы кеңселердің біріне келді. 55 жастағы ер адам кенеттен өзін нашар сезініп, есінен танып қалған екен. Дәрігерлер келгенге дейін әріптестері диспетчер М. Абдулдинованың нұсқауымен құтқару ісіне кіріскен еді, диспетчер жүрек-өкпе реанимациясын жүргізуге көмектесті.

Науқас облыстық аурухананың жансақтау бөліміне жеткізілді.

Тағы бір өскемендікті құрамында дәрігер Елена Моторина, фельдшер Еламан Нұрмұхамбет, жүргізуші Талғат Әділбаев бар №8 ЖМЖС бригадасы құтқарды. 68 жастағы ер адам таңертең жуынатын бөлмеде есінен танып қалған екен.

12 минуттық реанимациядан кейін науқастың жүрегі соғып, тыныс ала бастады. Ол да облыстық ауруханаға жеткізілді.

Қазір бұл адамдардың өміріне қауіп төніп тұрған жоқ.