Жылу электр орталықтарының дайындығы 75,4%-ға жетті – ШҚО
Облыста жылыту маусымына дайындық бекітілген жоспарға сәйкес жүріп жатыр. Қазір жылу электр орталықтарының дайындығы 75,4%-ға жеткен. Су электр станцияларында жөндеу жұмыстары 74,7%-ға орындалып отыр, деп хабарлайды Altainews.kz тілшісі.
– 444 км электр желілерінде, 30 қосалқы станцияда, 53 трансформаторлық қосалқы станцияда күрделі жөндеу аяқталды. 33 орталықтандырылған қазандықтың дайындығы – 67%. Бюджеттік ұйымдардағы 176 дербес қазандықтың 148-і (84%) дайындалды.
3023 көпқабатты тұрғын үйдің 2081-інде (69%) қысқы кезеңге дайындық актілері ресімделді. Үйлерді дайындаудың төмен көрсеткіші Алтай, Үлкен Нарын аудандарында, Риддер қаласында байқалады, – деді облыс әкімдігінің мәжілісінде энергетика және тұрғын үй-коммуналдық шаруашылық басқармасының басшысы Нұрлан Рамазанов.
3023 көпқабатты тұрғын үйдің 2081-інде (69%) қысқы кезеңге дайындық актілері ресімделді. Үйлерді дайындаудың төмен көрсеткіші Алтай, Үлкен Нарын аудандарында, Риддер қаласында байқалады, – деді облыс әкімдігінің мәжілісінде энергетика және тұрғын үй-коммуналдық шаруашылық басқармасының басшысы Нұрлан Рамазанов.
Бюджеттік ұйымдардың дайындығы – 85%, оның ішінде денсаулық сақтау нысандары – 86%, білім беру нысандары – 86%, әлеуметтік қорғау нысандары – 83%.
Жалпы, ағымдағы жөндеу науқанына және инфрақұрылымды жаңғыртуға көзделген қаражаттың жалпы көлемі 24,1 млрд теңгені құрайды, бұл өткен жылмен салыстырғанда 5,1 млрд теңгеге артық.
Оқи отырыңыз
