Алтай қаласындағы С. Нұрмағамбетов атындағы мектеп оқушылары ШҚО қорғаныс істері басқармасының өкілдерімен кездесті, деп хабарлайды Altainews.kz тілшісі.

Кездесу оқушыларға патриоттық тәрбие беру бағдарламасы аясында ұйымдастырылды.

Кездесу барысында қорғаныс істері өкілдері өз тәжірибелерімен бөлісті, ал оқушылар отанқорғаушы мамандығына қызығушылық танытты. Мұндай іс-шаралар өскелең ұрпаққа Отанға қызмет етудің парыз екенін түсіндіруге, сондай-ақ оларды Қарулы күштер қатарындағы қызметке дайындауға мүмкіндік береді.

Айта кету керек, С. Нұрмағамбетов атындағы мектепте патриотизм мен әскери қызметке құрмет көрсетуге 1 сыныптан бастап ерекше көңіл бөлінеді. Ал 5-сыныптан бастап «Жас сарбаз» әскери сыныптары жұмыс істейді. Мұнда оқушылар алғашқы әскери дайындықтан өтеді. Мектеп оқушылары облыстық деңгейдегі әскери, саптық жарыстарда үнемі жоғары нәтижелер көрсетеді.

 Ажар Мұратқызы

Фото: Асхат Жиенбеков