Аягөздің "Жас сарбаздар" командасы онлайн форматтағы «Айбын-2021» облыстық әскери-патриоттық жастар жиынына қатысып, жүлделі орынға ие болды.
Аталмыш облыстық жиын Қазақстан Республикасы Қорғаныс Министрлігі және Шығыс Қазақстан облысының қорғаныс істері жөніндегі департаменті мен ШҚО білім басқармасының қолдауымен ұйымдастырылды. Осы байқауға Аягөз қаласының «Қалалық қазақ мектеп лицейінің»   «Жас артиллеристер»  командасы қатысты.
Жиын бағдарламасы келесі сайыстардан өткен болатын. Атап өтетін болсақ, «Туған жерім менің - Қазақстаным!» челлендждер байқауы, белтемірге тартылу және ішті қатайту жаттығуларын орындау. Сондай-ақ,  АК-74 автоматын бөлекшеу мен жинақтау, газтұтқышты және  жадағай түріндегі жалпы әскери қорғаныс жиынтығын кию сынды кезеңдерден өтті.
Сайыс барысында құрамында әскери істі жақсы меңгере білген мектеп-лицейдің «Жас артиллеристер»   команда мүшелері жеңіске деген барлық күш-жігерлерін  ортаға салып, белтемірге тартылудан және челлендж байқаулары кезеңдерінен алдарына жан салмай І орындарды иеленді. Ал, жалпы командалық есептік көрсеткіш бойынша Аягөздік "Жас сарбаздар"  ІІ орынға қол жеткізді. 

Айта кетейік, байқаудың негізгі мақсаты – «Біртұтас ұлт – біртұтас әскер» жастарды әскери-патриоттық тәрбиелеу бағдарламасы аясында  елдегі жастарды әскери-патриоттық бағытта тәрбиелеу, өскелең ұрпақтың бойында Отанын қорғауға деген отансүйгіштік сезімдер мен ер-азаматтық қасиеттерді қалыптастыру болып табылады. Сонымен қатар,  биылғы «Айбын-2021» жиыны Тәуелсіздіктің 30 жылдығына орайластырылды.  Жиналған жастардың логикалық және физикалық машықтары бағаланбақ.