Бірыңғай жинақтаушы зейнетақы қоры 2025 жылы зейнетақы жинақтарын пайдалануға арналған  жеткілікті шек мөлшерлемесін жариялады, - деп хабарлайды  Altainews.kz тілшісі Tengrinews.kz порталына сілтеме жасап.

Жаңа жеткілікті шек Қазақстанда 2025 жылдың 1 қаңтарынан бастап қолданысқа енгізіледі. Айта кетерлігі, 2025 жылға арналған шек мөлшері өзгеріссіз қалды. Олар жас ерекшеліктеріне байланысты 3 миллионнан 10 миллион теңгеге дейінгі аралықты құрайды.

Мысалы, 20 жастағы қазақстандықтар үшін бұл көрсеткіш 3 миллион 260 мың теңге болса, 30 жастағылар үшін – 4 миллион 580 мың теңге, ал 40 жастағы азаматтар үшін – 6 миллион 100 мың теңге.

Анықтама: ТЖШ – бұл ай сайынғы зейнетақының мөлшерін ең төменгі зейнетақы мөлшерінен кем емес деңгейде қамтамасыз етуге қажетті зейнетақы жинақтарының (міндетті зейнетақы жарналары есебінен қалыптастырылған) ең төменгі мөлшері.